Rabu, Juni 15, 2011
Admin
obed anak SD. Dia plg skolah, sampe rmh liat de pu tete lg asik baca koran. obed langsung kasi pertanyaan.
obed : tete, sa ad pertanyaan nih,tete jawab ee
tete : yoo tanya sudah..
obed: kan ada kodok, de mw menyebrang kolam yg lebarnya 3 mete. Kalo kodok ini sekali lompat tuh bisa 1 meter jauhnya,brati brpa kali kodok harus lompat ke seberang kolam
tete: obed ko kira tete ni su tua jd bodok k..jawabannya pasti 3 kali lompat to..
obed: yee...,salah! jawabx cuma sekali lompat to
tete protes: msa bisa?? Kan lebar kolam 3 meter
Obed: ya bisalah..sekali lompat masuk dalam kolam trus tinggal berenang,,sampe deh di seberang..
tete: cucu kurang ajar, ko mo tipu2 tete ee...
obed langsung kaburr....
==================================================
satu kali ni obet dapa kasi hukum dari paguru...
obet dapa suru hafal pancasila..tapi emank dasar obet tra tau belajar jadi de tra ambil pusing..
baru malam ni pace tindis vodka deng anggur...mabuk picah trabae...
besokannya paguru suru de ke depan baru hafal pancasil..
obet tindis begini..
pancasila..
1.tuhan tong pu bos suda..trada yang tangkis..
2.jadi orang jang tratau adat..tong semua harus adil kah tete bilang..
3.tong semua satu..trada yang pele..
4.samua rakyat kumpul bae-bae baru baku tukar otak kasi pecah masalah..
5.buat kam semua rakyat..trada yang beda..
oooww...itu paguru deng murid2 su taguling picah tertawa di blakang...wakaka...
==================================================
jadi satu kali ini ada pace satu da pu pohon mangga su berbuah lebat skali jdi karna pace takut org2 pancuri makanya pace ko tulis di papan kecil satu, baru pace paku akan di pohon. jadi tulisannya begini :
"JANGAN KAM PENCURI SA PU MANGGA INI, SUPAYA KAM TAU SAJA. BIAR SA TRA LIAT TAPI TUHAN LIAT."
trus besok pagi pas pace ko bangun baru pace ko cek da pu pohon mangga bgini mangga su habis
baru pas pace buang muka ke da pu papan kecil yg da paku tuh..
pace liat ada tulisan tambahan yg pencuri ko tulis di bawah tulisan yg pace tulis :
"SA MEMANG TAU KLO TUHAN LIAT SAYA, TAPI SUPAYA PACE KO TAU SAJA BIAR TUHAN LIAT, TPI TUHAN TIDAK AKAN KASI TW KO.".
==================================================
Skrg ceritanya ada pace satu da su kelaparan jadi da mo pergi mo curi kangkung untuk de makan
Trus pas pace pencuri ko ada asik petik2 org pu kangkung bgini
orang yang punya kangkung ini lewat baru batariak sm pace pencuri
"wooii...ko bikin apa tuhh, ko mo curi sa pu kangkung kah????".....
pace pencuri de kaget tra baik jd lgsung de angkat :
"Ah.. trada moo... Angin kencang jadi sa pegangan di batang kangkung nii...."
==================================================
Suatu hari pace satu da pulang kerja trus da capeeeeeekk skali.
Pas da pulang da pu istri trada di rumah Cuma da pu anak saja.Pace ko emosi, Langsung da Tanya da pu anak.
Suami : Eh.. ko pu mama mana??
Anak : Lagi main voli.
Suami : Ahhh… ko pergi panggil ko pu mama sana. Suami pulang kerja tuh bikin teh atau masak apa kah begitu.. Ko pergi panggil !! Bilang ko mama tempo!
(Pas da pu anak su panggil da pu mama pulang. Pas tiba dirumah begini, langsung dapt ceramah dari da pu suami).
Suami : Ko ini suami pulang kerja tuh masak atau bikin teh atau apa kah.. dari dulu sa kenal ko ini, ko tra pernah main voli mo. Ko terlalu bikin ko Atlet skalii..!!!!
Langsung Istri dia Balas : Akhhh… Ko tuh marah2 trus Nanti malam2 baru ko tinggal suruh sa balik sana-balik sini Suruh jongkoklah !! ko suruh sa kayang!!
Ko bikin.. macam ko Guru Penjas saja!!
==================================================
Pace satu da lagi ikut tes tentara tapi de gugur di kesehatan,
trus pce marah2 baru da tanya...
Pace : Knapa sa gugur di kesehatan...
Petugas : Oooo... Itu karna pace ko pu gigi ompong!!
Pace : Oke, Tpi skrg sa mau tanya kam semua di dsini kira2 tong pigi perang nnti itu tong baku tembak ataw tong baku gigit...
==================================================
Ada tiga bayi kembar masih di dalam kandungan ibunya, sedang melakukan percakapan soal cita-cita jika sudah terlahir nantinya.
Bayi Pertama : "Dik! Kalau sudah keluar dari perut ibu, mau jadi apa?"
Bayi Kedua : "Adik mau kerja di PLN!"
Bayi Pertama : "Kenapa?"
Bayi Kedua : "Soalnya di dalam perut ini kan gelap! Adik takut gelap!
Bayi Kedua : "Kalau kakak mau jadi apa nanti?"
Bayi Pertama : "Mau kerja di PAM!"
Bayi Kedua : "Kenapa?"
Bayi Pertama : "Soalnya di sini kan banyak air! Kakak suka main air!"
Tinggal adik paling kecil yang belum bicara.
Bayi Pertama & Kedua : "Dik! Kalo udah keluar perut ibu mau jadi apa?"
Bayi Ketiga : "Adik mau jadi polisi!"
Bayi Pertama & Kedua : "Hah! Kenapa?"
Bayi Ketiga : "Mau investigasi, siapa sih yang kalo malam suka keluar masuk pancurkan air ke kita!"
==================================================
Ada tete 1 ini,,
dia pu rumah dpn pangkalan ojek,,
jadi klu tete dia mau jalan pergi beli rokok di warung sebelah..!!
Ojek su batariak : OJEK K..!!
tete (dalam hati) : jie spa yg mw naik kam pu ojek,,dekat baru. .!!!
Besokx lagi,,
tete ada jalan pergi ke sebelah rumah ada prgi main,,
kgt tkg ojek su batariak : OJEK K..!!
tete (dalam hati): jie zp yg mw naik kam pu ojek..!!
Dkt sj bru...
Pas 1 x bgini,,
tete ada bertengkar dgn nene,,
jadi tete mau jalan duduk didpn teras hsap2 rokok hlgkn stres k ini,,
kaget tkg ojek su brtriak : OJEK K...!!!
Tete ko dgr,,pas dia lgi marah2 bgus ini,,!!
Tete ko blg: iyo ojek,,kmri zdh..!!
Tkg ojek ko dia lincah jln mnuju tete..!!
Pas sampe di tete,,
tkg ojek: tete mau kmn k..?
Tete: ah sy cmn mau tanya,,ko ojek k..!??!
Tkg ojek: iyo,,knp jd..?
Tete: iyo bguz itu,,drpd ko tinggal dirumah, trada kerja toh..!!
(tkg ojek kira dapa panggil karna tete mo sewa dia)
Tkg ojek ko de lgsg bdn malass...
==================================================
Satu kale begini pace Obet dah dapat kase putus sama da pu maitu..
Pace ko su cinta mati e skali. Dah stress setengah mati. Padahal da su bagaya sama da pu teman2 semua kalo da mo kimpoi deng mace itu.
Akhirnya Obet ko putuskan untuk bunuh diri.
Pace da ambil baterei pu isi yang itam br da makan akan.Pace ko step dan koit.
Besokx da pu bapa datang ke Obet pu kuburan baru menangis takaruan adat.
Sambil menangis da batariak..
"OBET..OBET.., HIKS. HIKS... SA TAU PUTUS CINTA MEMANG BRAT..TAPI KENAPA..?
KENAPA ? KENAPA KO MAKAN BATEREI ? KO PIKIR KO SENTER KA ????"
Source : http://www.kaskus.us/showthread.php?t=1661679&page=6
Posted in: Mop Papua
