Rabu, Juni 15, 2011
Admin
Suatu hari pace noge pergi mau mencuri di rumah pace Jawa malam hari. Ternyata rumah pace Jawa sudah dikasih pagar tinggi, dan dorang kasih tembok sekeliling rumah.
Pace noge pikir: "Ko kira sa tra bisa mencuri kah, biar ko kasih tembok sa tetap bisa panjat ko pu tembok. Ko liat saja."
Lalu pace noge dia panjat pace Jawa pu tembok yang tinggi.
Pace Jawa dia liat ada orang yang mau mencuri dia berteriak keras:
"Heeyy...!! Pencuri kah..! Ko cepat turunnn...!"
Pace noge dia kaget dan hampir jatuh, tapi dong balik marah ke pace Jawa :
" Hey bapa.... coba ko pu cara tegur itu yang baek kah ?! memang sa pencuri, tapi kalo ko berteriak, sa kaget, truss sa jatuh....
siapa yang bayar ongkos rumah sakit...
Sa pu anak siapa yang kasih makan..
Saya toh belum mencuri, saya baru lewat ko pagar baru ko su teriak...!"
Mas jawa : Bah "????!!"
Tabalik.. pace yang marah mas dia, dan mas dia tra senang dia kejar pace pake kayu spanggal __ ............... _____
==================================================
ada pace 1 de pasang gaya su mantap baru de berdiri di depan toko utk pantau perem2 cantik
tp de lupa kancing rosleting clana bru tra pake cd jd burung kakaktua hitam keliatan
trz ada perem liat jd da bilang "om clana tabuka tuh" krn om su a slak jadi om d bilang
" kalo su liat minggir krn yg baca tulisan ini juga mau liat "
==================================================
ada pace satu nih piara babi pu banyak e....
satu hari bgini pace ko pi mabuk2 sampe pagi baru pulang....
pulang dari acara mabuk pace ko langsung kipas tidur...
karna pace ko blum kas makan babi2 jd babi2 nih tgl batariak2 dr kandang...
pace pu istri: " woi, pace ko bangun tempo, babi2 di kandang su lapar tuh!!"
pace: "ah, z malas, ko tra liat z ada enak2 tidur k??"
akhirnya mace ko pergi...
tapi karna babi nih tinggal ribut trus jd mace tinggal bolak-balik kas bangun pace dia...
mace kas bangun pace lg..
mace:" bah, ko bangun tempo sudah, babi su trlalu ribut skali tuh!!!!"
pace: (sambil tarik uang 50rb dari sak)"ini, ada 50rb, ko pi bawa babi2 dong makan di warung sana sudah!!!"
==================================================
dy pu kmplek ini,,
tggl mati lmpu tyuz,,
dari pagi smpe blik pagi lagi tra nyala2...
Begini pace ko dy ganaz eeh,,
dy tax ttangga dsblah,,mau minta nmr tlpnx PLN...
Bru donk kzh,,pace ko dy tlpn dgn nada marah..
Pace: halo met pagi
????: met pagi jg,ada yg bisa z bntu
pace: Iyo kam PLN ini bgmn,,?
Tonk su byr listrik mahal2,,bru km plyanan tdk baik skli..
Di tonk pu kmpleks lmpu su tra nyala 1 hari 1 malam...
???: ouw maaf pak,,
neh bkn PLN,Neh PAM..
Pace mngkn ko su malu tPi,,dy malas tau sj...!!
pace: ah kam 2 PLN Sm sj,,!!!
Bru Knp tdi pagi air tra jln,,,!!
Pace satu ini pintar ngeles.....
==================================================
Jadi ni ada mace ambon satu de mo tunggu taksi ke pasar jadi pas taksi lewat trus de leften jadi taksi stop pas de mau naik begini mace ko lepas konto,baru yang duduk dekat pintu tuh mace papua jadi orang2 dlam taksi semua perhatikan ke mace papua dong kira de yang konto...dalam perjalan ke pasar mace ambon nih rasa tra enak jadi de bilang sama mace papua...
Mace ambon : usi....beta minta maaf e...tadi beta naek,beta konto orang2 paratikan usi dong pikir kata usi yang konto...
mace papua :ah...trapapa...
tarlama lewat dari 10 menit mace ambon ko bilang ulang lagi
mace ambon :usi beta minta maaf e...tadi beta naek,beta konto orang2 paratikan usi...
mace papua :ah...trapapa...
mace su ganas skali mace bilang dalam hati...kalo su minta maaf satu kali saja cukup sudah jangan ulang2 lagi k?
tar lama lewat 5 menit lagi mace ambon bilang lagi
mace ambon :usi beta minta maaf e...tadi beta naek,beta konto orang2 paratikan usi...
mace ko tambah ganas skali jadi langsung mace bilang
"ah...trapapa dari pada tahan2 lubang puki picah lagi..."
==================================================
ne2 dgn te2 donk 2 cuci pakean di kali tiba2 ne2 punya CD hanyut br tasangkut di batu besar jd ne2 blng
"te2 ko pergi ambil z pu cd dulu"
te2 pergi tp karna pamalas jd te2 cuma kore dgn kayu baru lempar ke ne2. ne2 ganas br ne2 blng
"io.. de pu kulit jd ko kore pake kayu, klo de pu isi tu kore pake
lidah baru!!"
==================================================
pace yunus dan d pu istri: mace maria, dong dua baru kasi cair dong dua pu dana peroyek d bank...pas dong dua dalam perjalanan pulang ada perampok yg ikut dong dari belakang dan hadang pace yunus pu mobil d jalan tros pace preampok bilang :
perampok *taru pisau d mace maria pu leher* : kasi kamdua pu uang ato sa bunu kamdua.
yunus : pace jang ko bunuh saya ko ambil uang ini sudah.
setelah pace yunus kasi uang...perampok tetap saja mau bunuh pace yunus dan d pu istri,
perampok : tp sebelum sa bunu kam dua sa mau tau kam dua pu nama.
dan lang sung d tanya ke pace yunus pu istri...
perampok : ko pu nama sapa??
maria : sa pu nama maria
perampok : hadu sa mau bunu ko tp sa pu mama jg nama maria jd...sa tra bisa bunu ko...
karna tra jadi bunuh mace maria perampok langsung tanya ke pace yunus...
perampok : kalo ko,...ko pu nama sapa??
yunus : sa pu nama yunus, tp d kompleks dong biasa pangil sa maria
==================================================
Ada babi dengan kambing donk 2 jalan.
Baru dong anjing makan tai di sampah2
jd kambing bilang sama babi,,
"babi ko liat anjing tu masa de makan tai
tu.. ihc kotor baru!!"
babi langsung jawab..
"aehc.. mo bilang tp, su tau to
binatang lg jd.."
==================================================
Pace mabuk satu de mati, sampe di nraka d liat ada 3 pintu.
d liat pintu ke 1 ada orang dibakar, d liat pintu 2 ada orang di potong2, pintu ke3 ada orang main gaplek, jadi d pilih pintu 3, d masuk n d bilang.... "woiii... kam enak eee... di sini bole bisa main gaplek." ... trus dong jawab .... "Ko gila Ka... Enak apa, ini yang kalah dapa goreng..!!!..????
==================================================
Anak 1 de ke kantor lurah urus ktp, tapi syaratnya harus ada kartu keluarga (KK) jadi pak lurah suruh dia : "Ade pulang bawa KK dulu"
Trus anak itu pualng bawa de pu kk perempuan, dong 2 balik ke kantor lurah, langsung ketemu bapa lurah baru anak itu de lapor : "Pak Lurah, ini sa pu kk perempuan, biar sa kse tinggal dia untuk bapa pake bikin sa pu KTP."
Terus lurah blg "bah, bukan itu sa pu maksud, tapi biar sudah... SAMA SAJA!"
==================================================
tete satu nih dia sakit sampe tra su sengsara, akhirnya dia pu cucu paksa2 tete ke dokter. teta akhirnya ke dokter ikut dia pu cucu pu saran. Pulang dari dokter tuh, tete dia pu muka pucat, jadi dia pu cucu juga su takut sekali, akhirnya dia pu cucu tanya
cucu : tete kenapa gugup sekali, dokter bilang tete pu sakit parah kah?
tete : cucu, sebenarnya tete pu sakit ini tidak parah dan dia pu obat itu gampang saja.
Cucu : wah, kalau begitu tete kenapa harus gugup begitu, memangnya dokter bilang, tete pu sakit itu harus minum obat apa?
tete : cucu, dokter tadi bilang tuh, kalau tete makan buah2an harus makan dengan kulit2nya.
cucu : ah itu saja tete ko takut sampe, barang gampang saja moooo.
Tete : iyo cucu, memang itu barang gampang, tapi cucu ko kan tau kalau tete pu buah favorit yang biasa tete makan tuh kan BUAH DURIAN
(tete dia pikir harus makan kulit durian makanya dia stres berat)
==================================================
Satu kali begini ada namek satu de pigi ke jawa de mo kuliah. Kebetulan de dapat program beasiswa ke jawa. Sampe di jawa de molai taputar2 dengan mas becak.
Tau2 begini de kaget, liat tiang listrik deng kabel listrik malintang.
"Mas...mas...itu apa ka?, Kenapa orang di Jawa dong bikin tali jemuran tinggi2 sekali"
"Bagemana dong mo jemur dong pu baju ka?"
Namek ko heran. Mas becak de katawa@ saja.
------=====#######=====--------
Besoknya karna de su akrab deng mas becak, mas becak ajak de mas becak pu ruma, ketemu deng de pu maitua.
Mace de molai kasi keluar makanan. Ada nasi, sayur, tempe, kerupuk,deng sambal. Mace de bilang begini:
"Ayo mas papua, ini ada nasi, tempe, kerupuk, sambal sama 'jangan', dimakan, saja jangan malu2. anggap saja rumah sendiri"
"Iyo ibu. Trima kasih."
Namek ko mulai timba nasi, kerupuk, sambal, sama tempe. Makan, makan begini keringat jagung su mulai kaluar, air mata malele. De tamba sambal, tempe tapi de tida makan sayur. Abis mba de bilang 'jangan dimakan'. padahal maksudnya 'ini sayur, dimakan'.
Mba de tanya. "Kenapa mas, enak kan".
Namek de jawab: "Iyo ibu, terlalu enak sampe sa menangis ingat sa pu bapa mama di kampong, dong tidak pernah makan enak macam begini"
(Padahal su tida tahan sambal pu pedis).
-----=======######-======--------
Karna blom kuliah. Namek ini de duduk2 di depan de pu kost.
Tau2 begini, ada laki2 de bawa drum balak sekali. 2 lagi. Namek ko kaget.
"Pele, laki2 jawa dong kuat2 e.. pikul drum 2 balak lagi hanya deng bambu saja"
Ternyata itu kaleng kerupuk.
==================================================
Ada satu Tete dia datang kekota, tapi sudah lama dikota dia punya anak tra mau ajak dia jalan-jalan padahal dia ingin sekali jalan-jalan ke kota, satu hari dia protes,
"Pokoknya kalau kamu orang tra mau ajak sa jalan-jalan sa mau pulang kampung saja."
Begini dia punya cucu ajak dia jalan-jalan ke kota tapi dengan perjanjian Tete tra boleh bikin malu dan kalo liat barang yang su jatuh kita tra boleh ambil...
Tete setuju, trus dong dua jalan sampai di kota dia punya cucu liat uang 10.000,- jatuh dia korek dia punya Tete,
"Tete...ada uang 10.000,- jatuh tong ambil ka..."
Tete kasih ingat cucu... "Ko su lupa dengan tong dua pu perjanjian?"
Cucu bilang, "Iyo tete sa lupa berarti sekarang tong dua jalan sudah"
Tra lama tete yang gantian liat uang 100.000,- jatuh trus tete bilang sama dia pu cucu...
"Cucu... ada uang 100.000,- jatuh lumayan buat tambah-tambah jajan..."
Dia pu cucu larang tete, "Ko tra ingat perjanjian ka..."
Tete bilang, "Yo... tra papa sudah sekarang tong dua lanjut jalan..."
Tapi dalam perjalanan tete trus ingat itu uang 100.000,- sampai dia tra sadar dia masuk dalam got... lalu tete batariak...
"Cucu... ko tolong tete dulu tete ada jatuh di got... tempo ko tolong dulu..."
cucu balik muka dan bilang sama tete " TETE KO LUPA PERJANJIAN KA... APA YANG SU JATUH TRA BOLEH DIAMBIL TO....."
Tete bilang, "Dasar cucu kurang ajar..."
==================================================
Satu sore begini anak-anak kompleks dong pi nonton Persipura di Mandala, sambil berdiri... Tapi ada pace satu de pake helm baru de berdiri nonton di depan dorang. Macam dong ganas ka...
Anak2 Kompleks : Weeeii pace, sopan ka... buka helm tuh... tong tra bisa lihat baik ke lapangan nih...
Pace : Iyoo, tapi jang kam menyesal ee...
Anak2 Kompleks : Menyesal buat???… epen ka?
Pace : Iyo sudah...
Pace langsung tarik helm dari kepala dan pace pu rambut kribo yang ukuran tiga kali lebih besar dari helm tuh muncul. Itu baru dong tambah tra bisa lihat... dan dong bubar sudah mooo...
Pace : Ahh, trada moo, jang lari, berdiri saja di blakang trus, ini yang kam minta-minta dari tadi to...
==================================================
Pace1 : Kawan kam dua... sa di kampung tuh kalo mo pi mancing... tong blum buang umpan saja... ikan-ikan su timbul tanya umpan... kaka ada umpan ka?
Pace2 : Ale... kalo tong tra bgitu... tong tuh baru dayung brapa meter ke laut, langsung ikan-ikan lompat dalam perahu... ikan talalu banyak jadi...
Pace3 : Haha... kalo torang, malah tra bisa dayung...
Pace1-2 : Kenapa jadi...???
Pace3 : Kalo mo dayung tuh harus kase pindah ikan-ikan dulu baru tong bisa dayung..
==================================================
Seorang anak kecil asal Papua bertanya kepada gurunya. “Bu Guru, kenapa matahari cuma ada satu ?”
Sambil tersenyum sang Guru menjawab, “ Dominggus … Dominggus … 1 saja kau sudah hitam, apalagi 2 ????
Source : http://www.kaskus.us/showthread.php?t=1661679&page=7
Posted in: Mop Papua
