Rabu, Juni 15, 2011
Admin
Ada banci 1 ni dia pulang menangis2.
Trus depu tman tanya: "Wee knapa ko menangis".
Banci ni dia bilang: "td sa lg jalan br ada mace 1 lempar sa bunga".
Trus depu tman bilang : "bagus br, ko di lempari bunga".
Langsung banci ni de jawab"(sambil menangis2) ..iyo tp dgn depu POT".
==================================================
Ada pace 1 d prg ke tanjung Elmo (t4) prostitusi ka ini...
trus d tawar Mba 1 sape 3 x ..,
tapi Mba ini de taramau..langsung pace de marah skali...
baru Pace d bilang sama Mba, begini...:
'Mbaaa...sa ini...putra daerah...jadi tolong di pertimbangkan.'...#@$%...
trus Mba d jawab...: "Ko kira barang spanggal ini OTSUS punya kaaaah...!!!!
==================================================
Ada opa ini dg de pu cucu lg ngobrol2...
Cucu : opa kmrn sa main bola voli,,sa pu smash trada yg blok...
Opa : cucu kam bru begitu su smbong..opa dlu klu ko tau,,klu lompat smash bola itu 5 menit bru trun di tanah.. (wwaaawww )
Cucu : weiiss,,opa jgo eeh..knp by smpe lma begitu..?
Opa : krn Opa tagae di NET...
==================================================
Ada pace 1 de mo katakan cinta sama perempuan 1.
Pace : ade, kk mo kasitau ko klo slma ini kk sayang skli sama ko jd ade ko mo jd kk pu pacar ka tdk? (dgn muka penuh harapan)
Ade : tp kk, sa masih skolah skarang..
Pace : ohhh, kk pikir ade su libur
==================================================
Satu kali begini ikan puri de jalan-jalan ke danau, tapi pas sampe di danau de dapat pukul dari ikan gabus. Puri de ganas tra bisa balas jadi de pulang ke laut de lapor ke hiu. Tra lama begini hiu pimpin satu rombongan anak kompleks dong menuju danau cari gabus yang tadi pukul puri. Pas sampe danau begini dong ketemu buaya, trus buaya tanya...
Buaya : Ehh... hiu ko bikin apa rame-rame ke danau ee...............!!!!! ada apa jadi....kam satu kompleks ke sini....!!!
Hiu : (de kaget baru bingung mo jawab apa) Ehh... kaka buaya... ah ini sa mo antar ade-ade dong piknik di danau...
==================================================
Pace 1 ditanya polisi:
"kenapa kam mencuri nene pung dompet?"
Pace: sa terpaksa bapa!
Polisi: ko terpaksa apa? tra pung uang utk mkn, ka?
Pace: begini bapa. Dari pagi hari sa taputar cari kantor polisi. Sa tanya sa pung teman, dong diam saja. Lalu, sa pung akal....biar sa dapa kantor polisi, sa curi nene pung dompet. Ternyata sa bisa sampe kantor polisi.
Polisi: lalu, kam mau buat apa ke kantor polisi, pace?
Pace: sa mau buat Surat Kelakuan Baik.
Polisi: bah...ko gila ka?
==================================================
ada anak satu pi kuliah d jawa
trus dia tulis surat ke kampung trus dia bilang ke diap pu bapa begini : "bapa mengingat krn uang administrasi serta uang semesternisasi yg meningkat & uang pacarnisasi yg smakin b'tmbh mk uang transferisasi bln ini tolong d naikan"
Trus surat itu akhirnya tiba di dia pu bapa pu kampung & dia pu bapa baca lalu bapa dia balas : "anak mengingat krn hasil kebunisasi & panenisasi yg b'kurang maka ko hrs pulang kekampung utk m'cangkulisasi d kebunisasi spy bisa bayar ko pu p'mintaan, klo tdk nanti parangnisasi menyusul .....!!!"
==================================================
ada Tete satu de pi rumah sakit baru priksa darah...
trus begini pas suster selesai ambil tete pu darah begini tete pu darah tramau stop....
lgsg suster isap tete pu jari sampe darah stop...
pas tete pu darah su stop begini lgsg tete bilang "Suster tolong priksa tete pu air kencing lagi ka.... Tete kencing tra lancar ini..."
==================================================
Suatu hari ada Pace di mabok sagur sampe pagi jadi dia tatidur tanpa sadar di got
trus ada polantas yang sementara Pengaturan dijalan.
tapi Polantas itu kaget Liat pace dia ada Tidur Di Got.
Trus Polantas dia kasi bangun begini : "Pace knp ko tidur di Got"
pace ini dia tidak menyahut, pace tinggal tdr trus saja.
Tapi Polantas Tegur pace Lagi : "Pace Kenapa ko tdur Di goT, Ko tra Pulang tidur dirumah sana",,,,,,,!!!
Pace pu kapala su sakit dengan polantas dia bicara, Trus Pace bilang : Bapa!! Ko tra urus Mobil yang lewat sana! bale Ko Urus saya?!! Ko POLISI GOT Kaaaapa !!!
==================================================
Ada mace satu nih de pi ikut pelatihan guru bahasa Indonesia di hotel.
Begini pas de mo pulang, hujan besar ka ini.
Jadi mace ko sms pace buat jemput dia di hotel.
Mace sms begini "Pa, jemput mama di hotel".
Pace ko balas begini : "Demi sa pu cinta sama ko, lautan sa sebrangi, gunung sa daki, tapi hujan-hujan begini sayang ko naik ojek sudah..."
==================================================
Tete satu dy sakit paru2..
jadi dokter bilang; aduh bapa, ini tong harus ronsen bapa pung badan.
tete tanya ke dokter; anak dokter, ronsen itu apa ka?
Dokter bilang; ronsen itu foto,,
krena tete denger dokter bilang ronsen itu foto,
jadi tete bilang sama dokter.
"anak dokter, bapa bisa ronsen dekat bunga-bunga ka? krana su lama skali bapa tra ronsen dekat bunga2 jadi....
==================================================
Suatu hari.. Polisi2 dorang ni lg razia psk.
Hbs razia dorang suruh psk jejer satu2 utk naik d mbl patroli.
Pas wkt i2 ada nene tua satu ni da lewat. Ih nene ini da heran orng2 sana dong ada bikin apa e.
Nene kira ada pembagian gula2..
Beee... nene lngsng ikt antri jg.
Pas giliran nene dia polisi heran.
Pak polisi: ah nene ko juga kah
Nene: iyo toh pak polisi.. Knp kah.
Pak polisi: ah trada hbs ko sudah tua jadi..
Nene: ji tua2 begini kan sa msh bs isap tooo
pak polisi: ??%$#$@#$
==================================================
Ini ada orang-orang gila dong mo dapat kirim ke RSJ dikota.
Dong semua dapat angkut pake pesawat satu.
Dalam pesawat begini dong ribut skali baru main bola lagi. Orang gila satu de lempar bola ke de pu teman gila yang lain.
Pramugari de liat macam dong ribut skali jadi de bilang : ”Eh... kam jang baribut, jang main bola dalam pesawat, kalo mo main, diluar sana...”. Abis bilang begitu pramugari ko pergi.
Tra lama begini pramugari ko kembali, de liat macam pesawat su sunyi baru tinggal orang gila empat saja yang ada dalam pesawat.
Pramugari ko heran baru de tanya : ”Eh, kam pu teman-teman yang lain ada dimana?”.
Orang gila satu de jawab : ”Tadi kan ibu ko suruh dong main bola diluar to, jadi dong smua su lompat main diluar”.
Pramugari ko kaget tra baek trus de tanya lagi : ”Trus kam empat kenapa tra ikut main diluar?”.
Baru orang gila satu de jawab begini : ” Kitong kan pemain cadangan, jadi tunggu kalo ada yang su cape main bola baru tong masuk ganti to...
==================================================
jadi ada tete satu ni, dia pung cucu sakit, ..... dia bawa dia pung cucu ke rumah sakit mau periksa, sampai di rumah sakit :
tete : ado bapa dokter ... tolong periksa sa pung cucu dia beringus dada ini
dokter : (setelah diperiksa) .... tete .. tete ni pung cucu sehat trada yang sakit... yang sakit yang mana ini
tete : ooooo yang sakit dirumah ....
dokter : lalu tete bawa cucu ini untuk apa .. ????
tete : oooooo ini sa bawa hanya sebagai contoh saja ......
Source : http://www.kaskus.us/showthread.php?t=1661679&page=11
Posted in: Mop Papua
